O L'ALMANAC DE LA ROQUETIA.
Per dire tot çò de mancar pas dins lo rèire país clapassièr e endacòm mai, una pagina occitana que serà çò que ne faretz.
Nòvas de segur, mas tanben contes de ma grand-la-bòrnia, sornetas de ma tanta Nina de Niana, galejadas e bajocadas, pròsas e poesias, opinion, fòtos o vidèos,...
Acabatz de mandar.
cercle.occitan.max.roqueta@gmail.com

mardi 27 août 2013

AJUSTAS: GRAND PRÈMI DE SANT LOÍS


   Aqueste diluns 26 d’Agost lo cadre reial de Seta siaguèt lo luὸc d’acarament de nonanta sièis ajustaires de la categoria « pesucs », per lo torneg mai prestigiόs de la sason d’ajustas. Coma cada an, d’unas plaças (totas son a gratis) èran ja ocupadas dempuὸi la velha per los afogats d’aqueste jὸc tradicional lengadocian. Lo matin, segon la tradicion, ajustaires e autbὸis-tambors desfilèron dins un passa-carrièira pertocant, onte se posquèt ausir tanben de cὸrna-musas, puὸi qu’èran convidats lo bagad de Lann Bihoué e lo grop tarnés Canta Graile, compausat d’instruments de la Montanha Negra tarnesa, grailes e bodegas.

   Rementam que lo jὸc consistís d’eliminar tres adversaris, siá en los escampant a l’aiga, siá en los butant a la fauta. La fauta mai espandida es ‘passar la garda’, es a dire metre la man dins la partida blanca de la lança (se l’ajustaire ‘passa la garda’ tres cὸps, es eliminat). Los ajustaires que capitan d’eliminar tres adversaris son ‘qualificats dau revenge’. Lo revenge es la partida finala dau torneg, que vei s’acarar entre eles totes los qu’an trionfat de tres adversaris, fins a çὸ que ne demὸra pas qu’un.



   Aqueste torneg dau diluns 26 d’Agost siaguèt particularament requist. En mai de la qualitat nauta das cὸps de lança, s’i posquèt veire l’adiu a las ajustas dau frontinhanés Claudi Massiàs, que senhorejèt un vintenat d’annadas sus la disciplina, e que los coneisseires jutjan coma benlèu l’ajustaire mai grand de totes los tempses : tecnica, poténcia, regularitat e gentum fὸra de las tinteinas. Un omenatge unanime i siaguèt rendut, e maudespièch son emocion vesedoira l’ὸme pervenguèt de se qualificar per lo revenge, amb nὸu autres ajustaires ; demèst eles Aurelian Evangelisti, lo tenent dau títol, que deguèt quitar lo cadre aprèp una nafradura al genolh dins la passa que l’opausava al dagtenc Joan-Loís Montèls.

   A la primièira mièg-finala lo jove setὸri Maxime Molto faguèt ‘lo boquet’ amb Claudi Massiàs, es a dire que tombèron ensems dins una passa subrebèla. Claudi Massiàs capitèt antau son adiu a las ajustas sus un esplech istoric : prὸche de sa cinquantena annada obtenguèt lo tresen prèmi, perqué toquèt l’aiga aprèp son adversari. Maxime Molto recebèt logicament lo quatren prèmi.

   La finala opausèt doncas lo palavasenc David Aprile -filh dau campion Bernard Aprile- al dagtenc Joan-Loís Montèls, el tanben filh de campion : Ubèrt Montèls. Totes dos an ja emportat lo grand prèmi : David Aprile en 2009 e Joan-Loís Montèls en 1999. La passa decisiva virèt a l’avantatge dau primièr, qu’empὸrta antau son segond grand prèmi de Sant Loís categoria pesucs.

                     Lo ganhaire de 2013, David Aprile

dimanche 25 août 2013

Trofèu das bateires

Cronica dau tambornet


Lo Trofèu das bateires de 2013, organizat per lo Club de Balaruc los Banhs, a liurat son verdicte. Aquela competicion individuala, que pertὸca los sols utilizaires dau batedor, es unenca dins l’espὸrt tambornet.

Emai se los puristas regretèron l’abséncia de bateires qu’ofician al nivèl melhor, coma Joan Miquèl Barral o Marion Cazzani, lo trofèu mentiguèt pas.

Las esprὸvas s’encadenèron lὸng de la serada : mandadisses ras de la cὸrda sus una cibla plaçada al centre dau terrenh, mandadisses precises de luὸnh... A cada cὸp los dètz bateires presents avián drech a una pauma d’ensag, puὸi doas autras per capitar son melhor mandadís. Lo quichal sus las espatlas se sentissiá a cada ensag… La tièra d’esprὸvas se concluïguèt amb un mandadís sus una cibla plaçada a nautor mejana. Cada cὸp capitat valiá un cèrt nombre de ponches segon la dificultat.
A-n-aqueste jὸc son pas totjorn los mai grands o los mai fὸrts que ganhan, coma o provèt Loïc Houlès dau Tambourin Club de Viὸls-lo-Fὸrt. Amb 23 ponches marcats, siaguèt sacrat melhor bateire de l’esprὸva joves, mas sustot totas categorias. La diferéncia màger amb la categoria adulta èra una distància mai redusida per los joves.

Practica dau batedor
Aquel instrument un pauc estranh, utilizat pas que per lo servici, permet de porgir de velocitat e d’efièch a la pauma. Es redobtat das jogaires e empusa la curiositat dau monde que descobrisson l’espὸrt tambornet. Son emplec es pas obligatὸri.
La practica dau batedor es lo fruch d’un entrainament regular, que se fa lo temps de sesilhas especialament dedicadas per el, sesilhas d’entrainament lo mai sovent solitàrias…

Pendent los rescὸntres, per èstre plenament eficaces, los bateires sollicitan l’ajuda d’un amic que, al moment dau servici, se ten lèste per escambiar lèu-lèu batedor e tambornet, a fins que lo bateire pὸsque respondre en seguida a un retorn de pauma sus son servici. E d’unes jogaires biaissuts de l’equipa advèrsa o sabon faire…

L’aisina es compausada d’un margue de longor cambiadissa e d’un tambornet mai picht plaçat al cap d’aqueste margue, que lo mai sovent es de fusta, mas la tecnologia a fach una dintrada remarcada dempui mantunas annadas, e ara se vei espelir de margues de carbni o autras matèrias compositas.

Igòr Batsimba - Montpelhièr 04



Loïc Houlès al batedor





mardi 20 août 2013

Les Nuits d'O à Montpellier, Nuit Tous au Larzac !

Dijòus 29 d'agost, Nuit « Tous au Larzac » !


LES NUITS D’O

MUSIQUE ET CINÉMA

DU 22 AU 31 AOÛT DOMAINE D’O www.domaine-do-34.eu 

+ d’infos sur Les Nuits d’O http://www.heraultmusiquedanse.fr/programme-2013.html
04 67 45 71 17

Hommage
enthousiaste
au monde agricole intelligent et résistant !

20 h
Concert dans la pinède La Talvera
La Talvera, c’est le bord du champ qu’on ne laboure pas, où les herbes folles et sauvages se côtoient et se
mélangent… C’est dans cet espacede liberté que naissent leurs chansons. Occitane, mais toujours dans une ouverture sur le monde, la musique de La Talvera prend ses racines dans la tradition mais crée des liens dans la contemporanéité avec force, émotion, joie et humour.

21h30
Film en plein air
« Tous au Larzac »
de Christian Rouaud, France, 2011, 1h58
Gardarem lo Larzac ! Plus de 40 ans
après, le slogan résonne encore sur
le plateau du Larzac, devenu haut
lieu de résistance et de rendez-vous
altermondialistes. Pour défendre leur
territoire contre le projet d'extension
d'un camp militaire, des paysans de
tout bord et des militants de tout poil
s'unirent, inventant de nouvelles
formes de résistance collective.
Le film de Christian Rouaud (Les Lip,
l'imagination au pouvoir) vibre de tout
l'humour et la ferveur de ses « acteurs ».

jeudi 15 août 2013

Cronica dau tambornet

Campionat d’Erau 1 Jornada 12

La corsa per accedir au campionat de Liga regionala es pas acabada, a doas jornadas de la fin dau campionat. Dins lo Campionat Erau 1 solas las equipas arribadas en tèsta de sa pola accedisson a la Liga Lengadὸc-Rosselhon. Las doas equipas se rescὸntran a l’escasença d'una finala de campionat. Lo venceire de la finala es sacrat Campion d’Erau 1.
Aquest’ an las finalas das campionats d’Erau 1, E2 e E3 tan coma la partida de barratge femenina per accedir au campionat de Nacionala 1 femenina, se debanaràn sus lo terrenh de Viὸls lo Fὸrt lo 8 de setembre que ven.
Dins la pola 1 Vendemian demὸra matematicament a portada de Beuvrages-Valenciennes mas caudriá una catastrofassa per que la primièira plaça escapèsse a la cὸla de Vendemian, invencida en Campionat coma en Copa aquela sason.
Resultas de la pola A :
Ginhac- La Nèrta-Marselha faguèt ges de present a Nὸstra Dama de Londres : 13-0.
Castelnau-de-Guèrs 9-13 Usclàs d'Erau
Vendemian 13-9 Beuvrages-Valenciennes
Sant Jὸrdi d’Òrques 8-13 Montarnaud
Classament de la Pola A : 1èr Vendemian (33 ponches), segond : Beuvrages-Valenciennes (27 ponches), tresen : Usclàs-d'Erau (27 ponches).

Dins la pola B las causas son mai complicadas amb, en tèsta, Sant Joan de Cuculas assegutat per Viὸls lo Fὸrt e Pennes-Mirabeau-País d’Ais de Provença. Viὸls lo Fὸrt es a un ponch dau menaire mentre que lo representant dau País d’Ais n’es a cinc, mas amb dos rescὸntres de ratrapar. S’apondèm que Viὸls lo Fὸrt recep Sant Joan de Cuculas a l’escasença de la darrièira jornada, e que deurà anar en País d’Ais per un das rescὸntres de ratrapar, comprendretz que las doas darrièiras jornadas seràn pebradas.

Resultas de la pola B :
Viὸls lo Fὸrt 10-13 Pinhan
Grabèls 8-13 Mèsa
Sant-Joan de Cuculas 13-4 Sant Jὸrdi d’Òrques
Laveruna 12-12 Pennes-Mirabeau-País d’Ais de Provença
Classament de la Pola B : 1èr Sant-Joan de Cuculas (29 ponches), segond : Viὸls-lo-Fὸrt (28 ponches), tresen : País d'Ais (24 ponches)




Finalas de las Copas d’Erau
Las finalas de las Copas d’Erau tendran luὸc los 31 e 1èr de setembre sus lo terrenh de Viὸls lo Fὸrt. Las Copas d’Erau son de competicions a eliminacion dirècta qu’implican totas las equipas femeninas e masculinas d’Erau. Cada categoria jὸga sa Copa d’Erau. Seràn doncas cinc finalas : Copa d’Erau 1 masculina, Copa d’Erau 1 femenina, Copa E2 masculina, Copa E2 femenina e Copa E3 masculina.

Pronostics :
Copa d’Erau 2 masculina : los de Bessan prometèron de porgir un ambient de fèsta, sustot se la resulta vira a son avantatge.
Cornon se deuriá desplaçar amb una cὸla de suportaires afogats. Aquela finala poiriá èstre la mai avidada de la dimenjada.
Copa d’Erau 1 femenina :
Las femeninas de Jacon e Grabèls, ara a la lucha per accedir en Nacionala 1, se deurián acarar d’un biais espectaclόs.

Copa d’Erau 1 masculina :
Per la Copa masculina mai prestigiosa, Erau 1, Vendemian es balhat largament favorit aprèp una sason que ges de desbarruta venguèt pas trebolar. Lo doblat es a portada de tambornet per los negres e blancs, levat se Montarnaud ven crear la suspresa.
Au programa de las Finalas 2013 a Vils-lo-Frt:
Dissabte 31 d’Agost
15 oras finala Erau2 femenina : Niana - Vendemian
17 oras finala E2 masculina : Bessan - Cornon
Dimenge 1èr de setembre
10 oras e mièja finala Erau 3 masculina : Balaruc-los-banhs - Ginhac
15 oras finala E1 feminina : Jacon - Grabèls
17 oras finala E1 masculina : Montarnaud - Vendemian. 



Comité Sport-tambourin Hérault
Christophe GARNIER Président Comité Sport Tambourin Hérault
06 37 33 15 84
CST34 - Maison Départementale des Sports – 200 Av. du Père Soulas - 34094 Montpellier Cedex 5

samedi 10 août 2013

Mauresca a Sant-Guilhem

ST GUILHEM LE DESERT – 15 AOUT 2013
A partir de 20h – Gratuit – Théâtre de Verdure – Buvette et snack




Pour eux, la musique est avant tout une aventure collective, une « coopérative » où la rime et le rythme tournent à plein régime, les machines distillent le groove et les cuves débordent de textes vivants et acérés où l’occitan déploie sa verve et son originalité.
10 ans de scènes et 4 albums, Mauresca vendange à pleines mains dans le Hip Hop ou le Reggae, sans modération. À mi-chemin entre les premières heures d’un Rap pacifique et rassembleur, la force d’un Raggamufin chaloupé et l’art de faire danser les gens, le « balèti » retrouve des couleurs. C’est le choc des langues, l’éloge de la pluralité, l’art du débat hérité des troubadours et la pertinence du « conscious lyrics ».





dimanche 4 août 2013

A jòc!

Cronica dau tambornet
Grand-Prèmi de Montpelhièr Aglomeracion

Los garçons de Montpelhièr Aglomeracion e las filhas dau Grand Pic Sant Lop confirman.
Lo Grand-Prèmi d’Espὸrt-tambornet de Montpelhièr Aglomeracion, per lo primièr cὸp associat als Masters de Cornon, tenguèt totas sas promessas amb de rescὸntres fὸrça disputats onte cada jogaire defendèt las colors de son territὸri.
Lo rescὸntre entre las seleccions femeninas Montpelhièr-Aglomeracion e Grand Pic Sant Lop sonhèt particularament lo suspense. Montpelhièr Aglὸ semblèt pasmens dominar tre lo començament de la partida.
D’efièch, jos lo vam de Delfina Goud e Carὸla Ferrièr de Cornonsec, las localas prenguèron lo larg rapidament. Amb un escart de cinc jὸcs (8-3), lo rescὸntre èra largament a favor de l’Aglὸ. Mas, en seguida de mantuns cambiaments dins lo dispositiu, de reténer lo de Nadèja Charles e d’Anna Tomàs, de Nὸstra Dama de Londres, als pὸstes de fons, las clapassièiras perdèron lèu son avança. Las blavas e iranjas de l'Aglomeracion capitèron pasmens d’agandir primièiras lo dotzen jὸc (12-10). Mas, a quauques paumas de la victὸria, se faguèron rejόnher sus lo fiau per lo Pic Sant Lop (12-12). Mentre que jamai siaguèron menadas de tot lo rescὸntre, las femeninas de Montpelhièr Aglomeracion concedissián lèu lo jὸc decisiu a sas adversàrias dau Grand Pic. Es una segonda victὸria per aquela seleccion dau Pic Sant Lop, après la contra la seleccion Erau-Mediterranèa, en junh passat.


Los garçons de Montpelhièr Aglomeracion an, eles tanben, marcat lo cὸp. Après lor primièira victὸria sus lo Grand Pic, en junh, los ὸmes de Patrici Òm, seleccionaire de l’Aglὸ, engranjèron una segonda victὸria. Es la seleccion de la Comunautat de Comunas Valada d’Erau qu’a concedida la victὸria sus un escὸr de 13 jὸcs a 9. De notar lo pretzfach de Floran Palau, de Vendemian, au pὸste de tèrç das verds e blancs de la Valada d’Erau.
Aquela seleccion de la Valada d'Erau aculhirà Montpelhièr Aglomeracion per lo rescὸntre retorn sus lo terrenh de Ginhac lo 29 de setembre que ven dins l’encastre de la Tambouri’fête.
Las resultas das Grand-Prèmis d’Erau :
Grand-Prèmi dau Grand Pic-Sant-Lop (22 de junh a Sant-Matiu-de-Trevièrs)
Grand Pic-Sant-Lop Dὸnas 13-10 Erau-Mediterranèa Dὸnas
Grand Pic-Sant-Lop Òmes 4-13 Montpelhièr Aglomeracion Òmes

Grand-Prèmi Montpelhièr Aglomeracion (31 de julhet e 1èr d’Agost a Cornon)
Montpelhièr Aglomeracion Dὸnas 12-13 Grand Pic-Sant-Lop
Montpelhièr Aglomeracion Òmes 13-9 Valada d’Erau

Rescὸntre que ven das Grands Prèmis d’Erau :
Dins l’encastre de la Tambouri'Fête de la Valada d’Erau (29 de setembre à Ginhac)

Seleccions masculinas : Valada d’Erau – Montpelhièr Aglomeracion.