A l'internacional

Corèa dau Nòrd, las chifras:

USA, un espèr:

England:

  França:

París, Vendôme:

Corsega:

Paure mond !

Fin de mes dificila

E lèu de paréisser:

ASTERIX EN CATALONHA. (Dau Cristòu de Gijan)

Sèm en l'an de 2020 aprèp J.C.

Gàllia tota es envasida per las legions de l'emperaire Julius Coronavirus.

Tota ? Non. Un vilatjòt resistís.

Mercés la pocion magica adobada per son druida Panoramix, sos vilatgeses enduran lo confinhament sens ges de problèma.

Mas arriba una manca d'ingredients. Asterix e son amic Obelix son mandats a Perpinhan en cò dau cosin d'Abraracourcix, Samuçoissantsix,

que sap un biais de s'aprovesir en aqueles ingredients.

Mentretant las tropas dau centurion Dinsquauquesjós Niaurapapus enròdan lo vilatge e fan sètge.

La Campana Dimenge

 

Bon dimenge !

De 7 a 77 ans

E los classics per quins tot comencèt:

Crisi dau corona: sosten als agricultors

Publicam, per faire prodèl au Sénher Marcelon de Borronhan, una letra adreçada a las pus nautas autoritats d'Euròpa. Poguèsse antau La Campana de Niana donar quauque resson mediatic a aquela demanda legitima e faire ausir e entendre la votz d'aqueles paures bogres dau país que tiran lo diable per la coeta, son a las acabalhas e an de mal de téner pè a la bòla.

Monsur lo Comissari Europenc de l’Agricultura,

         L’amic Robèrt, que demòra en Bretanha, reçaupèt un chèc de 500.000 € de la part de Brussèlas, per non far venir de porcèls aqueste an. Per aiçò, pensi de dintrar dins lo programa de non-elevatge de porcèls per l’an que ven.

         Aquò qu’aimariái de saupre, es quina es la bòria possiblament melhora per non far venir de porcèls e quina es la raça mai bèla de porcèls de non abarir. Estimariái melhor non abarir de singlars, mas s’aquò es pas una raça bona de non abarir, autant seriái content de non abarir de Landraça o de Large-White.

         Lo trabalh mai regde dins aquel programa sembla de téner alara un inventari menimós del nombre de porcèls qu’avèm pas abarits. L’amic Robèrt es plen de fisança en quant a l’avenidor de son afar. Faguèt venir de porcèls pendent mai de vint ans, e çò melhor que posquèt cobrar, foguèt 20.000 € en 2008 ; fins a aqueste an, que reçaupèt un chèc de 500.000 € per non aver abarits ges de porcèls.

         ... Se me pòdi reçaupre un chèc de 500.000 € per dire de non far venir 50 porcèls, alara, saique reçauprai 1.000.000 € per aver non abalits 100 porcèls... etc... ? Me propausi de començar a un nivèl pichon pichon, per capitar apuèi de non abalir 4.000 porcèls ; aquò voldriá dire que reçaupriái un chèc de 4.000.000 € e que, aital, poiriái investir dins un yacht.    

         Ara per ara, quicòm mai : aqueles 4.000 porcèls que non farai venir non manjaràn los 100.000 ferrats de milh que lor èran destinats. Saique, me cal compréner qu’anatz pagar los agricultors per que non produguèsson (remiratz l’imperfach del subjonctiu) lo milh ? Fin finala, me donariatz un quicomet per non produsir los 100.000 ferrats de milh que non van apasturar los 4.000 porcèls que non abalirai ?

         Coma que ne vire, aimariái plan de començar al mai lèu, que me sembla qu’aquel periòd de l’an es mai favorable al non-abaliment dels porcèls.     

         Plan sincerament e plan coralament,

         Marcelon de Borronhan.

         PS : En defòra d’aquò, me demandi se seriá possible de far venir vertadièirament un planponh de porcèls, emai foguèsse acordat ieu dins lo programa de non-abaliment, pas que per aver un pauc de cambajon per abalir la familheta ?

Mercé lo Joan Marc Vilanòva

Se'n sortir sens sortir

... E i tornam !

Darrièira novèla:
Una enquèsta de santat publica révèla que los ‌coronavirusses en activitat a Seta tòrnan descorats e aflaquits d'aquel endrech, bòrd qu'aqui lor cau tugar lo monde dos còps, entrainant una auçada de lor metabolisma que ne demesís l'eficacitat.


Cors d'ÒC:

 

 

 

LOS CONSELHS del SAVI VIÈLH DE BORRONHAN

PATZ AL DINTRE

         Mentre aquela passa que te balha un pauc la peta, te fau passar, per t’apasimar l’ànsia, una confidéncia desconfidencializada.

         Ièr arser, un pòrta-lenga del Dalai Lama afortiguèt que per obténer la patz interiora, nos cal totjorn acabar çò qu’avèm entamenat, e qu’amb aquò gausirem de la quietud dins nòstras vidassas.

         Confinhat a l’ostal, agachèri a mon entorn, per veire los daquòsses qu’aviái començats sens pas jamai los acabar de faire.

         ... E me siái agotat un pinton de la beguda, desmembrat al fons del despenson ; una flasqueta de Rosat de Bessan, famós... ; una bo..botelheta de Sant-Adornin : de roge, de primièira ; un porron... Pompero de Faugièiras... ; un ran... ran... un ranquilh d’aiiiiigardent del Pupu... del Pupu.. del Puèch... a Bon !...

         Pò...pò...pòdes pas imaginar lo ma...ma...macarèl de me...me...melhor que me sen...sen...sentissi d’aquesta papa..., d’aquesta papa..., d’aquesta papassa.

         Fai pa-pa-passar lo messatge a totes aqueles qu’an de be-be-besonh de patz al dintre e diga-ié que los aimi-mi a totes.

         E bona passa !

Joan Marc Vilanòva

Confinhament, d'unes conselhs...

TRAS QU'IMPORTANT  PER TOCAR L'AJUDA DAU CONFINHAMENT dels 28€/jorn a partir dau 20 de març.
Per avedre quauque  solaç emplenatz lo dorsièr, picatz sus l'imatge o seguissètz lo ligam => https://external-preview.redd.it/vxPXEGgL4v8mCGw06IFGsmJNtqWQg-z60xQQ79dHKPY.jpg?auto=webp&s=db7685262e9b352a4888e547f52a244e2ea2cb9f

Un planponh de mai, plan desinfectat.

dau Micheu Prat, aquela.

La federacion de tambornet d'Erau nos informa que l'entraïnament a l'ostau a représ, mercé lo papièr cuol: