Quand cantan los
aucèls, quand me parlan los paisatges e que los camins son de seda…
La prima roquetiana,
Dimenge 5 de mai
(tota la jornada)
Vos propausam
aqueste còp una escorreguda-passejada au dintre dau país de Max Roqueta, a la descobèrta de l'aucelilha e dels païsatges, un
concèrt bèl, una serada de partejar… DE MANCAR PAS.
17 oras Calèu
en concèrt
A la sala de
la comba de Brunan (lo Maset) sus la comuna de Sant Guilhem concèrt amb lo duo
Calèu (Celina Klisinski- Arvèi Robert) que nos davala de sas Cevenas per nos
partejar sos « Camins de seda ».
Un concèrt intimist, au canton de la chiminièira. Nos
enrebalaràn dempuòi las Cevenas fins au fin fons de l’Asia e de l’Orient, a
trepar de camins poetics semenats de mots, manlevats, reculhits amorosament, embellinats, emmusicalhats
plan polidament.
