O L'ALMANAC DE LA ROQUETIA.
Per dire tot çò de mancar pas dins lo rèire país clapassièr e endacòm mai, una pagina occitana que serà çò que ne faretz.
Nòvas de segur, mas tanben contes de ma grand-la-bòrnia, sornetas de ma tanta Nina de Niana, galejadas e bajocadas, pròsas e poesias, opinion, fòtos o vidèos,...
Acabatz de mandar.
cercle.occitan.max.roqueta@gmail.com

samedi 30 avril 2016

Lidia Wilson de Ricard e Ròsa Miòch


café occitan dau 27 d'abrial amb Ròsa Miòch:



Lydia Wilson de Ricard, 


La Felibressa roja





 Èra a la calandreta de Ginhac  e l'avètz mancat...
mancatz pas lo seguent

Dimècres 29 de junh, per s'enfadar au maset,

amb Joan-Frederic Brun...

dimanche 20 mars 2016

Berretada e cafè Òc


Dimècres 30 de març - Argelièrs d'Erau - 
Mercredi 30 mars - Argelliers - 

 a la glèisa vièlha / dans la vieille église.

Cafè occitan de mancar pas/ Café occitan à ne pas manquer
7 oras dau vèspre: Berretada a l'amic Janne Forssell, en occitan Joanòt Rieupeirós, lo mai Occitan dels Suedeses (tanben lo mai Suedés dels Occitans) que ven de daissar au ceucle sos dreches d'autor de 2015. 

​
"Una cultura per ajudar una autra cultura" "Une culture pour aider une autre culture"
"En kultur för att hjälpa en annan kultur"
(Janne Forssell, född Jan Larsson Palmgren 29 juni 1943 i Karlstad, son till Lars Hjalmar Palmgren, är främst känd som radiopratare, särskilt med programserien Hemma hos under 1970-talet tillsammans med Kjell Alinge.
Han har även medverkat i mindre roller som skådespelare i några svenska filmer. Under 1990-talet gjorde han ett antal uppskattade resereportage i Sveriges television under namnet Jorden Runt - "Reel World" på engelska, tillsammans med filmaren Lasse Westman).

De pas fonhar per un còp que quicòm de bon nos tomba dau Nòrd...
A ne pas bouder pour une fois que quelque chose de bon nous vient du Nord...

19h00: Coup de béret à l'ami Janne Forssell, en occitan Joanòt Rieupeirós, qui vient de donner au cercle ses droits d'auteur de 2015.

PUIS / PUÒI

Alan Roussèl fai son cafè occitan sus los manhans.
Café occitan avec Alain Roussel et les vers à soie.
Mèfi, emai siague de mòda, se tracha pas de tugar lo vèrme en lo manjant mas de s'assabentar sus la sericultura en Cevena e al nòstre.

Los manhans - Les vers à soie

Depuis le printemps 2011, les Causses et les Cévennes appartiennent au partimoine mondial de l'humanité.
Durant des siècles, l'éducation des vers à soie a été un des piliers de l'économie cévenole. Los manhans est un ouvrage vivant qui nous fait découvrir de façon simple et ludique le cycle du ver à soie de la graine au cocon. Il traite également de tout le travail qui conduit à la fabrication de la soie.
Pour la compréhension du plus grand nombre, Alain ROUSSEL, professeur de SVT, né en 1947 dans les basses Cévennes à pin maritime a écrit ce livre dans les deux langues : français et occitan. Le texte est suivi d'un lexique qui rassemble en lenga nòstra la majorité des mots qui concernent cette épopée de la soie.

2011, Illustrations en couleurs et en noir et blanc. 80 pages. Préface de Pierre MAZODIER. 13 €
 Manhan d'ont ven aquel mot? Del vèrb "manhar" vièlh occitan que vòl dire "manjar". 
"A la debuta los uòus dels manhans, apelats la "grana" espelissián dins lo bombet de la mameta. Un còp l'espelida acabada los manhans pensavan pas pus qu'a trissar. Manjavan las fuèlhas de l'amorièr, un aubre tot caboçut. Caliá de fuèlhas ni banhadas, nimai passadas.
Entre l'espelida e la nimfa, los manhans trissavan 40000 fes son pes, de còps fasián tant talament de bruch que semblava una ramada, se disiá "los manhans fan plòure"
Puèi, èra la montada, cercavan lèu-lèu un endrech entre tres o quatre bridolets e blasavan la primièira bavèla. Un còp fixats, teissián sens aturar un fiu continú que mesurava mai de mila mètres...
Uèit jorns aprèp la montada los òmes descoconavan. Alara la seda èra tirada. Per trapar lo bot de cada fiu las fialaras picavan los fosèls dins un topin emplenat d'aiga caudeta amb una escobeta.
Puèi las flòtas èran crompadas per los edièrs per lo molinatge, lo descrusatge, lo teissatge e lo tenchuratge per qu'enfin los vestits posquèsson èsser venduts.

dimanche 17 janvier 2016

To be or not to be

Topina or not topina, vejaquí la question.
 Es que i a pas per la pança, mai de paratge a sofrir los gargolhaments e la malparada d’una fortuna insolentanta, que de se quilhar contra ela per sarrar la mecanica d’aquel flume de dolors ? Morir. Dormir ; aquò es tot ?
Apasimar enfin, çò dison, dins la sòm, lo cant de sas tripas e daissar son ventre empegat a son esquina ; un engorgament dau papach seriá pas mai devotament desirat ? Morir, dormir, -qual dòrm, dina ?-dormir… somiar benlèu ?
Aquí l’alh ! E, se non jamai dins aquela sòm dau trespàs, escapats de la carnalitat terrenala e de la vidassa vidanta, nos venguèsson trevar sòmis de pols e de polardas, de rausts e rostits, fricassèas e saucissas, porcelons a l’ast, cabrits ben salats, singlars ben pebrats… !
Pro ! Aquel rasonament esperlonga la malanha de la vida. Que, se que non, qual patiriá d’una astrada de regardèlas, qual sofririá de se prene d’ela bofa o escòrna, qual endurariá los torments dau borrèl, l’insoléncia dau pesolh revengut, la sopa de morre d’un amor que fai la pòta, las enganas d’una justícia dels cataus, la cròia, las cracas e las  messorgassas d’un Estat non causit, lo mesprètz, fin finala, que los meritoses encontran totjorn alprèp dels indignes, alara que, saique, un bon còp de maissa o per lo mens quauque caçolet (de Gineta) se venjariá de tot aquò !



Per memòria:
Èsser o pas èsser, vejaquí la question.
 Es que i a pas per l’arma, mai de paratge a sofrir los trucs e los patacs e la malparada d’una fortuna insolentanta, que de se quilhar contra ela per metre lo fren a aquel flume de dolors ? Morir. Dormir ; aquò es tot ?
Apasimar enfin, çò dison, dins la sòm, mon baticòr afrós; quina conclusion dels mals ereditaris seriá mai devotament desirada? Morir, dormir ; dormir… somiar benlèu ?
Aquí l’alh ! E, se non jamai dins aquela sòm dau trespàs, escapats dels ligams carnals, nos venguèsson sòmis … 

Pro ! Aquel rasonament esperlonga la malanha de la vida. Que, se que non, qual patiriá de l’ astrada pics o escòrna, torments dau borrèl, insoléncia de l’orgulhós, afres de l’amor desdenhat, enganas de la justícia, cròia dels oficials, lo mesprètz, fin finala, que los meritoses encontran totjorn alprèp dels indignes, alara qu’un còp de poncha se venjariá de tot aquò ! 

Lo Montamametas

vendredi 1 janvier 2016

2016

Cercle Occitan
Max Roqueta


  2016,
Quand pica l'ora de portar frucha, 
de mila granas per una...
Vèni, vèni, amb nautres en Roquetia t'encigalar.



Sèm a calòs, es pas un escop, e sèm malastrosament pas solets coma aquò qu'es de mòda, mas se còp o autre avètz partejats un bocin de nòstres camins d'Occitània, s'avètz dançat, cantat o tombat amb nautres quauques borres, s'avètz tastat dau chuc d'una lenga viva e descabestrada, vòstra ajuda nos donarà mai de vam, de vòlha, de nhaca per nos encapriçar, tal l'ase dau paure Sidòbre, vòstre sosten nos porgirà un brave solaç qu'avèm pas que vautres per defugir la quinquanèla!
La carta de sòci de 2016​ se pòt prene tre ara alprèp dau clavaire per 10 malaüroses èuros.
Joan-Claudi Gròs - Lo Plas - 34380 ARGELIÈRS

E mai que jamai, los balètis s'encadenaràn escalugants, (tre lo 9 a Puòg Abon), los cants gisclaràn, lo vin d'aquí e lo vin d'aquí (perqué anar cercar alai çò qu'es tan bon aquí?) rajaràn coma paraulas de lutz per los cafès occitans o racontes dins lo fin fons de Serrana e lo còr dels monts de Sant Guilhem... 
Es pas que la debuta!!! 

samedi 28 novembre 2015

Baztradar a Puòg Abon

Dissabte 5 de decembre a partir de 21h12 / Samedi 5 décembre à partir de 21h12
PUÒG ABON / PUÉCHABON
A l'azard Baztradar, aicí biscam-pas!


*samedi 5 décembre
 (et non le 12 car l'espace culturel n'est pas libre à cette date) :

Balèti à l'espace culturel de Puéchabon (centre village, entre le bar "Le Troquet" et l'église).
  • 14h30: atelier d'accordéon diatonique avec Marie.

  • 18h: atelier de danse: bourrée la Torçuda, bourrée 6 mesures, la Boulangère...

  • 20h: repas partagé.

  • 21H12: Balèti avec le groupe lozérien Baztradar (1ère partie), et Biscam pas (duo) en 2ème partie.
Bal : 6€ (4€ pour les adhérents du Cercle occitan Max Roqueta).
Atelier + bal : 8€ (6€ pour les adhérents du Cercle occitan Max Roqueta).

Baztradar est un groupe lozérien de musiques traditionnelles d’ici et d’ailleurs : Hubert Boutry (vielle à roue), Jean-Paul Bringer (accordéon), Michel Peyron (violon), Jean-François Rivaux (flûtes de bambou).


samedi 7 novembre 2015

Sautaròc d'aquí

Sant-Guilhem a son Profèta, per lo bonaür mai bèl d'aqueles de Lodèva, -sabètz la sècta que se passeja en riba dau Larzac abans que d'engolir sa sopa- estudiants en Occitan, en sortida escolara, qu'escopiguèron pas son plaser (ni lo demai!) a ausir Mèstre Josèp acompanhat de son acolit inseparable lo Dr Joanòt (doctor-en-braconatge-e-caças-divèrsas) nos contar son Sant-Guilhem...



Se sètz quauqu'unes que la passejada vos fa lengueta, visita en òc dau-vilatge-mai-polit-d'Occitània-mas-chut-o-cau-pas-dire, basta de contactar lo ceucle...
Podèm tanben vos menar dins los santuaris Roquetians, vilatge d'Argelièrs o mas de l'Estanhòl, en fonccion de la joinessa de vòstras cambas que, per viure a Sant-Guilhem, cau aver l'esquina d'un ase, de dents de lop, l'estomac d'un pòrc e de cambas de chin!

E ausiretz que, detràs la tropelada toristejaira, emai las pèiras parlan lenga d'òc.



Lo Profèta

                                  e


                                         l'Evesque.




dimanche 27 septembre 2015

I don't understand

Aquela d'aquí es ailàs vertadièira:

De matin a Sant-Guilhem, lo capelan espèra sa practica davant la glèisa.
N'arriba un, grandàs, encapelat de primièira que va per dintrar. E lo curat d'i faire:
"Òu! l'as pagat lo capèu?"
"I don't understand, i am French..."


dimanche 6 septembre 2015

Perfume en flor

Ausit ièr per las carrièiras de Puòg Abon: 

« Òu Leona, i a los vendemiaires Espanhòls que fan de rambalh dins lo ramonetatge »
« - Mas non Joan-Pèire, devon donar dins la sala, « lo retorn dau grand blond de la cauçadura negra »

E aprèp lo concèrt:
« Semblava saique a un tornèg d’ajusta sus lo lac Titicaca »

Èra pas brica aquò.
Aquò èra lo Papichi e sa còla davalats de son "altiplano", de París e benlèu de Sant-Clar per lo bonaür mai bèl d'una sala isterica, conquistada a son torn, Occitans Andians encordilhièirizats per una estanding ovacion!
"Ch'ullu", capèl senhérs e mercés, mercés, mercés!!!

​  
Se sap pas onte vas,
Agacha d'onte venes!

E Macarèl d'apondre:

Sens rasigas, ges de flors!

​E, sens flors ges de "perfume"
Ramiro Calderón est un musicien reconnu chez lui, en Bolivie. Ses spécialités sont le charango (petite guitare andine), et la guitare. Il a obtenu un prix en 2011 aux Etats-Unis avec le groupe Los Rupay. Il est accompagné sur cet album par le musicien occitan F. Carcassés bien connu des danseurs folk grâce à son groupe de bal Biscam Pas. Il a été initié au jeu de la kena (flûte andine sans bec) par Ramiro Calderón depuis les années 80. Il s’est ensuite perfectionné en Bolivie à plusieurs reprises.
Un voyage magique sur les hauts plateaux andins...
Ramiro Calderon, dit 'Papichi': guitare, charango, chant (espagnol, langues amérindiennes quechua, aymara), flûtes siku.
Gilbert Guilhem: kena.
Denis Guilhem: guitare, charango.
Philippe Carcassés: kena, siku (flûtes andines traditionnelles)
Culhissètz, culhissètz la flor, 
de crompar e d'escotar al puslèu...

mercredi 1 juillet 2015

Lo concors agricòla

   Un parelh vièlh assistís a un concors agricòla, onte se presenta de taurs. 

   Una votz dins lo micrò anóncia : « Tresen prèmi : Tambor, de la manada Lafònt, dèch e nòu salhidas en una jornada ».
La femna se  clina daus son marit e iè ditz : « Entendes, entendes ? »

   La votz au micrò contunha : « Segond prèmi : Jupiter, de la manada Laurent, vint e una montas dins la jornada ».
La femna se clina tornamai daus son marit e iè ditz : « Entendes, entendes ? »

   Enfin arriba l’anóncia dau venceire dau concors agricòla : « Banarut, de la manada Bòn, vint e quatre salhidas dins la jornada », ditz la votz dins lo naut-parlaire..
Un còp de mai la femna se clina daus son marit e iè ditz encara : « Entendes, entendes ? »

   Mas son òme se lèva, ditz a sa femna de venir amb el. Van trobar lo proprietari dau taur ganhaire. Lo marit demanda :
   -  Digatz-me, las vint e quatre montas, èran ambé la mèma vaca ? 
   -  Volètz rire ! solide que non ! 

Aquí l’òme se clina cap a sa femna e iè ditz : « Entendes, entendes ? »



mercredi 24 juin 2015

Lançar de tièla

   Una disciplina novèla ven d'espelir en iscla singulara, puòi que lo comitat dau quartièr naut, a Seta, organiza dissabte que ven, 27 de junh, lo primièr campionat dau monde de lançar de tièla. 
Aquela competicion, capitala dins l'Istòria de l'espòrt, se debanarà plan de l'ospitalet, au quartièr naut, tornar batejat estadi tielolimpic. 
   Aperabans una flamba tielolimpica serà transportada per un correire dins las carrièiras fins a son arribada au quartièr naut. 
   Lançars mesurats per ceucles concentrics a partir d'una basa, lo biais causit (freesbee, discobòla, es laissat a la causida dau lançaire).


Marcatz-vos se volètz.




lundi 15 juin 2015

Resisténcias!



« Se la legissèm pas la nòstra Istòria, nos la legiràn »



Vous avez raté la première qui a eu lieu  lieu à Aigues Mortes le 30 mai dernier? Pauvres de vous...
Avètz mancada la primièira que se debanèt en Aigas-Mòrtas, lo 30 de mai passat? Paures de vautres... 

  


Ne manquez pas les suivantes!
Manquetz-pas la seguida!


- à Narbonne plage le 20 juin à 21h45 (avec le soutien de la Ville de Narbonne) / a Narbona-plaja lo 20 de junh a 21h45, amb l'ajuda e lo sosten de la vila de Narbona. (per lo cap d'an de l'assassinat de la paura Cecila Borrel per clemenceau)
Place des Karantes, 11 NARBONNE PLAGE  Entrée libre / Dintrada a gràtis

- à Carcassonne, au Théâtre dans les Vignes  le 21 juin à 18h30 (dans le cadre de la fête de la musique) / a Carcassona, al Teatre dins las Vinhas de Confolents, lo 21 de junh a 18h30 (dins l'encastre de la fèsta de la musica)
Route de Pomas, Hameau de Cornèze, 11250 COUFFOULENS  Adultes 10€ - Moins de 15 ans 5€ - Groupes nous consulter.


Resisténcias raconte les évènements,  luttes et révoltes qui ont traversé l’Occitanie depuis 800 ans : la résistance des Cathares, Bernard Délicieux, les Croquants, les Camisards, … la révolte des vignerons en 1907,  les fermetures de mines du Bassin de Decazeville, Montredon, le Larzac.
Resisténcias conta los eveniments, luchas e revòltas, qu'an marcat Occitània dempuòi 800 ans: la resisténcia catara, Bernat Deliciós, los Crocants, los Camisards, ... la revòlta dels Guses de 1907, la barradura de las minas de la Sala, Montredond, lo Larzac.




Aurem pas jamai que çò que serem capables de prene ! 
Ferról en 1907.
 
Le scénario a été écrit par Enric Théron, d’après une idée originale de Claudie Goinguenet.
Lo scenari es estat escrich per Enric Theron sus una idèa originala de Clàudia Goinguenet.


Direction musicale / Direccion musicala : Frédéric Peñas
Mise en scène / Mesa en scèna : Véronique Valéry
Narrateurs / Narracion : Catarina e Domenge Caucat
Costumes / Abilhatges : Sûan Czepczynski
Conception des éclairages / Lums : Sergio Perera

NOS DAISSAREM PAS TòRCER !


Resisténcias est un spectacle occitan et donc en occitan, mais prompteur et livret en français viennent au secours de ceux qui ne connaissent pas ou qui ont un peu de mal avec notre langue.
Resisténcias es un espectacle occitan en occitan, de cap a cima, mas promptor e libreton en francés pòrtan solaç al mond que penècan o que sabon pas encara la lenga nòstra.



Volèm viure e cantar al País !!!


Partenaires /Partenaris : 
Région Languedoc Roussillon ; Ville de Montpellier ; La Rampe TIO, Théâtre Interrégional Occitan.

Pour plus d’informations sur / Mai d'entresenhas sus lo Còr polifonic occitan Nadalenca :  www.nadalenca.fr

Contact presse / Contacte premsa : claudie.goinguenet@laposte.net / 06 74 36 67 71


Merci de diffuser cette info autour de vous
Plan mercé de faire virar aquela info a l'entorn de vosautres que tant que vira fai de torns

mercredi 10 juin 2015

Barcelona dins lo campionat d’Erau de tambornet



Se sap que la cultura occitana es sòrre de la catalana. Aqueste afrairament , lo podèm retrobar dins l’espòrt tambornet. D’efièch, l’equipa dau TO Barcelona tòrna dins lo campionat d’Erau. Aprèp una primièira annada passada en categoria Erau 3, onte compliguèt un percors remirable, la còla catalana obtenguèt son drech d’accedir a la categoria Erau 2, categoria qu’es la seuna dempuòi lo començament de la sason 2015. Un principi de sòci tenguent-tenguent s’es creat entre lo comitat d’Erau e la direccion de l’ostalariá Ulysse, situïda au còr dau Clapàs : los jogaires catalans s’i poiràn repausar entre dos rescòntres.  Per lo moment, los barceloneses conosquèron una victòria en tèrra lengadociana,  emportada sus Cornon, 13 jòcs a 6.  Mas se clinèron davant Florensac (13 / 3), puòi fàcia a Niana (13 / 5).


Los jogaires catalans siaguèron entrevistats. Es possible de los escotar en clicar sus lo ligam :


 https://youtu.be/IaEGA9tzCEA






samedi 2 mai 2015

A jòc!

Amb la prima, emai banhada, la sason de tambornet tòrna començar, maudespièch la plòja que gasta fòrça rescòntres e que n’anullan d’autres…Las femnas, sustot, patisson  aquela situacion. La màger part de las partidas femeninas siaguèron reportadas. Mas dau costat de la categoria Erau 1, las equipas de Florensac e de Possan passèron entre las gotas, ambé mai d’astre, benlèu, per las de Florensac, que s’impausèron davant de possanesas que pasmens tenguèron la tèsta dau campionat ivernenc de tambornet en sala.
Dau costat das òmes, totjorn Erau 1, saludam lo prètz-fach polit de Sant Jòrdi d’Òrques que ganhèt mas en capitant un revirament complet de situacion fàcia a Jacó mentre que los de Sant Jòrdi èran menats a l’escòr pas luònh de la fin. Los jacomards empòchan pasmens lo bonús defensiu, que recompensa mens de tres jòcs d’escart  entre lo venceire e lo vencit (escòr finau 13 / 11). Victòria sarrada tanben per Cornonsec fàcia a una còla de Sant Joan de Cuculas pro valenta e nhacosa. En contra Usclàs d’Erau faguèt ges de present a una equipa un pauc vèrda dau Causse de la Sèla, mas qu’agèt lo meriti d’accedir a la categoria Erau 1. Pinhan, d'autre latz, s'impausèt au despens de Castelnau de Guèrs: 13 / 6. Enfin, los siblaires de Viòls lo Fòrt pòdon siblar de contentament, que per lo moment senhorejan en aquela debuta de campionat despartamentau…