Valdeses e Uganauds amb Felip Martel

Calandreta La Garriga de Ginhac - divendres 15 de març - 19h

cafè descabestrat amb Felip Martel.

 

Ie tornam coma promés. Fa un pauc mai de dos ans, çai venguèt lo Felip per nos assabentar sus "Catarisme, crosada, mite e realitat". Ne traparetz un rebat que rebala encara sus la tela => https://www.youtube.com/watch?v=d-kUF58gIZM. Fargat lo còp passat per lo Vincenç Mardelet, que tornam mercejar, vos poiretz antau tornar metre dins la clòsca lo primièr còp de Martel abans que de venir divendres 15 encaissar lo segond.

 

Qu'anam esperlongar dins lo pichon catequisme de l'Erètge Perfièch : "Valdeses e Uganauds" au programa, aqueste còp..

 

 

 

 

   

 

 

 E, pompom sus la Garona, coma dison los Mondins, per vos donar de pacientar un pauc, abans que de tocar lo Paradís dels Valdeses e dels Uganauds, lo Viure al País qu'es estat consacrat au Felip, fa pas gaire, lo 24 de febrièr. 

Aquí => https://france3-regions.francetvinfo.fr/occitanie/emissions/viure-al-pais-0

 

 

19h, A LA CALANDRETA LA GARRIGA de GINHAC, camin de Carabòtas.*

e, coma de costuma, sopar partejat: "Venètz e portatz". 

Quau de beure, quau de manjar, quau de dire...

* PER TRAPAR LA CALANDRETA de GINHAC,  es camin de Carabòtas, còsta lo licèu agricòla.

A750 dusca a Ginhac, 1ra sortida (mèfi es missanta a 130 a l'ora) après lo pont sus Erau per los que davalan de Lodèva o que venon de Besièrs; 2nd sortida per aqueles que montan dau Clapàs. Arribatz dins una giradoira direccion Belarga, Canet, Montanhac en daissant Ginhac dins l'esquina. Un parelh de quilomètres, una autre giradoira. 1ra a drecha es lo camin de Carabòtas que vos cau davalar. Après lo licèu agricòla auretz la Calandreta aquí tocant.

Aquel qu'es pas content, que se crompe un GPS o que me sone 06 65 17 40 85...