"Amen, amen, sèm pro per manjar çò qu'avèm,
Mas pas per cantar !
Se quauqu'un mai vòl venir,
Almens que se cope pas la camba en camin ! »
Los cants platanics...
dins lo rescontre dau giscle de la fòrça brutala de las voses e de l'espetament gaujós dau cant popular occitan,
dins lo plaser renovelat de la galejada sautaròca e l'afrairament,
mas tanben dins la calama,
quand s'apasima la brofoniá e que cantorleja l'oscillacion de l'amna enlairada sus las alas de l'autbòi felipadocian,
que lo còr dau Janòt, petaçat coma un relòtge vièlh, pica tornarmai sa tifa-tafa desmargada,
plan luònh de l'escura lirica o de la frasa de rap raspada et afrosament americanizada dau disc de vinil que zin-zoneja a la revèrs en caïnejant son planhum mortejat,
quand los mots, pastats per de generacions e de generacions de davancièrs, son molinetejats per de còrdas vocalas primitivas non jamai adomergidas, sauvatjas,
e que, descabestrats venon, dins un bufal espectaclós, prene son vam vital,
expulsats de grandas maissas, negrassas, coma un coloriatge de Soulatge pichotet,
quand lo vesin dau dessús, revolumant de longa dins son lièch coma una baudufa agent trapat lo moviment perpetual, barrarà pas l'uòlh de la nuòch,...
...resclantís al pus fons de las garrigas nautas, dins lo prigond de la gòrjas d'Erau, la clamadissa de la
Corala de Sant-Guilhem
Primièrs clams lo 14 d'octòbre, per la Sant-Just, (lo sant patron de la corala)
sala Govèrna, 20H45
Novelairas e novelaires benvenguts e mai los pairòls traucats!
Repertòri tradicional occitan, cants polifonics personalizats (aquò vòl dire que cadun canta a son biais) acompanhats per lo subre-bèl Mèstre Albareda -Carcassés!
S'apargar dins los en-basses e montar d'a pè la carrièira principala dau vilatge, a la crosada prene a l'esquèrra, la sala es a trenta mètres a gaucha.
Entresenhas per mèl cercle.occitan.max.roqueta@
Aucun commentaire:
Enregistrer un commentaire