O L'ALMANAC DE LA ROQUETIA.
Per dire tot çò de mancar pas dins lo rèire país clapassièr e endacòm mai, una pagina occitana que serà çò que ne faretz.
Nòvas de segur, mas tanben contes de ma grand-la-bòrnia, sornetas de ma tanta Nina de Niana, galejadas e bajocadas, pròsas e poesias, opinion, fòtos o vidèos,...
Acabatz de mandar.
cercle.occitan.max.roqueta@gmail.com

dimanche 25 mars 2018

L'ora

                        A las cinc oras pican las sèt !

                    Cal passar a l’ora d’estiu
                    Quand la prima es pas arribada.
                    E d’aquela desborronada,
                    Ne’n patissèm dempuèi bèl brieu.

                    Lo govèrn es pus fòrt que Dieu ;
                    Pòt decidir per la clocada
                    Qu’a pas qu’un cervèl d’arencada
                    E se negariá dins un riu.

                    Endacòm mai las dictaturas,
                    Aicí nadam en libertat.
                    Tan mièlhs se son pas entendudas

                    Las voses d’un pòble embufat.
                    Mas benlèu que de la colèra
                    Picarà l’ora un jorn sus tèrra !

                     Cristian Dur, Gange, lo 30 de març de 2008


Aucun commentaire:

Enregistrer un commentaire